لاہور: الیکٹرک بسوں کے پائلٹ پراجیکٹ کا آغاز، ٹیسٹ رن شروع
لاہور: صوبائی دارالحکومت لاہور میں 27 الیکٹرک بسوں کے پائلٹ پراجیکٹ کا آغاز ہو گیا، ٹیسٹ رن شروع کردیا گیا۔
پنجاب حکومت کی طرف سے 27 ایکو فرینڈلی بسوں کا آغاز کر دیا گیا، گرین ٹاؤن سے ریلوے سٹیشن تک الیکٹرک بسوں کا ٹیسٹ رن کیا جارہا ہے ، پائلٹ پراجیکٹ کے تحت لاہور کی سڑکوں پر پہلی بار الیکٹرک بسوں کا سفر شروع ہوا۔
ایکو فرینڈلی بسیں گرین ٹاؤن سے ریلوے اسٹیشن تک 21 کلومیٹر طویل روٹ پر چلائی جارہی ہیں، الیکٹرک بسوں میں جدید سہولیات فراہم کی گئی ہیں ، بسوں میں جی پی ایس، وائی فائی، یو ایس بی پورٹس اور خصوصی افراد کے لیے ریمپ اور مخصوص نشستوں کی سہولت دی گئی ہے۔
بسوں میں خواتین کے لیے علیحدہ سیکشن اور ہراسمنٹ سے بچاؤ کے لیے کیمرے بھی نصب کیے گئے ہیں، بسوں کی باقاعدہ سروس 16 فروری سے شروع ہوگی ، بسوں سے روزانہ تقریباً 17 ہزار افر ان مستفید ہوں گے۔
کرایہ کی ادائیگی کے لیے ڈیجیٹل والٹ اور کارڈز کا استعمال ممکن ہوگا ، مخصوص ایپ کے ذریعے بس کی ٹریکنگ بھی کی جا سکے گی۔
