امریکی چارج ڈی افیئرز کی وزیر تجارت سے ملاقات، سرمایہ کاری پر تبادلہ خیال

اسلام آباد:    امریکی چارج ڈی افیئرز نٹالی اے بیکر کی وزیر تجارت جام کمال خان سے ملاقات ہوئی، ملاقات میں دوطرفہ تجارت اور سرمایہ کاری کے تعلقات کو مضبوط کرنے پر تبادلہ خیال کیا گیا۔

دونوں رہنماؤں کے درمیان زراعت، ٹیکسٹائل اور قابل تجدید توانائی میں تعاون کے مواقع پر بات چیت کی گئی، کاٹن انڈسٹری کی ترقی اور معدنیات و سمندری صنعتوں میں سرمایہ کاری کے امکانات پر غور کیا گیا۔

وزیر تجارت جام کمال خان نے امریکی حکومت کو اقتدار کی منتقلی کے کامیاب عمل پر مبارکباد دی، دونوں ممالک نے دوطرفہ تعلقات کو مزید مستحکم کرنے کے عزم کا اظہار کیا۔

ملاقات میں دوطرفہ تجارتی تعلقات کی رفتار بڑھانے پر اتفاق کیا گیا۔