غذر میں پہلی بار سرمائی کھیلوں کا انعقاد، آئس ہاکی کے دلچسپ مقابلے

غذر:    گلگت بلتستان کے ضلع غذر کے بالائی علاقہ شکومن میں پہلی بار سرمائی کھیلوں کا انعقاد کیا گیا جس میں آئس ہاکی کے دلچسپ مقابلے دیکھنے کو ملے۔

ضلعی انتظامیہ کے تحت پونیال شکومن میں سرمائی کھیلوں کا انعقاد کیا گیا جس میں پونیال، شکومن اور ایمت کے نوجوان کھلاڑیوں نے شرکت کی، فائنل میچ میں پونیال شکومن لیپڈ اور قراقرم ٹائیگرز کا مقابلہ مقررہ قت میں برابر رہا۔

پنالٹیز پر پونیال شکومن لیپڈ لڑکے اور لڑکیوں کی ٹیموں نے قراقرم ٹائیگرز کی ٹیموں کو دو کے مقابلے میں تین گول سے شکست دی۔

آئس ہاکی کے فائنل میچ کے مہمان خصوصی دادو خان صابر نے جیتنے والی ٹیموں میں انعامات تقسیم کیے، بعدازاں دیسی بینڈ پر بچوں اور بڑوں نے رقص پیش کیا۔