فضائی جنگی مشق سپیئرز آف وکٹری 2025ء، پاک فضائیہ کا دستہ سعودی عرب پہنچ گیا
ریاض: فضائی جنگی مشق سپیئرز آف وکٹری 2025 میں شرکت کیلئے پاک فضائیہ کا دستہ سعودی عرب پہنچ گیا۔
جے ایف 17 تھنڈر بلاک تھری طیارے عملے سمیت کنگ عبدالعزیز ایئر بیس پر اترے، طیارے پاکستان سے براہ راست فضا میں ری فیولنگ اور دیگر آلات لے کر سعودی عرب پہنچے، مشق میں سعودی عرب، بحرین، فرانس، یونان، قطر، یو اے ای، برطانیہ اور امریکی طیارے بھی حصہ لیں گے۔
مشق کا مقصد جدید ٹیکنالوجی اور فضائی چیلنجوں کے حوالے سے ایک دوسرے کے تجربات سے فائدہ اٹھانا ہے۔
