ٹیمبا باووما کا بطور جنوبی افریقی کپتان ناقابل یقین ریکارڈ

کیپ ٹاؤن:   جنوبی افریقا کے کرکٹر ٹمبا باووما نے بطور کپتان ناقابل یقین ریکارڈ اپنے نام کر لیا۔

ٹمبا باووما نے بطور کپتان 2023 سے لے کر اب تک 9 ٹیسٹ میچز میں سے ٹیم کو 8 میچز میں فتوحات دلائی ہیں جبکہ ایک میچ ڈرا رہا۔

باووما نے پروٹیز کی قیادت کرتے ہوئے انفرادی طور پر بھی اچھی کارکردگی کا مظاہرہ کیا، بطور کپتان انہوں نے 57.78 کی اوسط سے 809 رنز بنائے۔

ٹیمبا باووما کو فروری 2023 میں ڈین ایلگر کی جگہ جنوبی افریقا کا ٹیسٹ کپتان مقرر کیا گیا تھا۔

ٹمبا باوما نے اپنے مجموعی ٹیسٹ کیریئر میں 63 میچز میں حصہ لیا، انہوں نے 108 اننگز کھیل کر 3606 رنز بنائے، ان کے ٹیسٹ کیریئر میں 4 سنچریاں اور 24 نصف سنچریاں شامل ہیں۔