پنجاب کے سرکاری میڈیکل کالجوں کے داخلے پیر سے شروع
لاہور: پنجاب کے سرکاری میڈیکل کالجوں کے داخلے پیر سے شروع ہوں گے۔
ترجمان یونیورسٹی آف ہیلتھ سائنسز(یو ایچ ایس) کے مطابق ایم بی بی ایس کیلئے آن لائن درخواستیں 6 سے 15 جنوری تک وصول کی جائیں گی، پہلی سلیکشن لسٹ 23 جنوری کو جاری کی جائے گی۔
یو ایچ ایس کے ترجمان کا کہنا تھا کہ سرکاری ڈینٹل کالجوں کیلئے درخواستیں 3 فروری سے 11 فروری تک وصول کی جائیں گی، بی ڈی ایس کی پہلی سلیکشن لسٹ 20 فروری کو جاری کی جائے گی۔
یونیورسٹی آف ہیلتھ سائنسز(یو ایچ ایس) کے ترجمان نے مزید بتایا کہ امیدوار یو ایچ ایس کی ویب سائٹ پر آن لائن ایڈمیشن پورٹل کے ذریعے درخواستیں جمع کرائیں گے۔
