جمہوریہ چیک کے صدر پیٹر پاویل کی سعودی عرب آمد، اعلیٰ حکام سے ملاقاتیں کریں گے
ریاض: جمہوریہ چیک کے صدر پیٹر پاویل سعودی عرب کے دورے پر جدہ پہنچ گئے۔
مقامی میڈیا کے مطابق جمہوریہ چیک کے صدر پیٹر پاویل کا جدہ کے کنگ عبدالعزیز انٹرنیشنل ایئرپورٹ پر استقبال نائب گورنر مکہ مکرمہ شہزادہ سعود بن مشعل بن عبد العزیز نے کیا۔
میڈیا رپورٹ میں مزید بتایا گیا ہے کہ اس موقع پر جدہ کے نائب میئر انجینئر علی بن محمد القرنی، جدہ پولیس کے سربراہ جنرل سلیمان بن عمر الطویرب اور ایوان شاہی کے نمائندے احمد عبد اللہ بن ظافر بھی موجود تھے۔
جمہوریہ چیک کے صدر پیٹر پاویل اپنے دورے کے دوران سعودی عرب کی اعلیٰ قیادت سے ملاقاتیں کریں گے۔
