وفاقی وزیر تجارت نے بلوچستان کو بین الاقوامی اہمیت کا حامل بزنس گیٹ وے قرار دیدیا

کوئٹہ:   وفاقی وزیر صنعت وتجارت جام کمال خان نے بلوچستان کو بین الاقوامی اہمیت کا حامل بنس گیٹ وے قرار دے دیا۔

وفاقی وزیر صنعت وتجارت جام کمال خان نے ایوان صنعت وتجارت کوئٹہ بلوچستان کے عہدیداران وممبران کے ساتھ منعقدہ اجلاس سے اظہار خیال ومیڈیا سے بات چیت کرتے ہوئے کہا کہ وزیراعظم شہبازشریف بلوچستان پر بھرپور توجہ دے رہے ہیں، اقتصادی زونز کے علاوہ اقتصادی پلان کیلئے سب کا کردار لازمی ہے، جب تک اقتصادی ترقی نہیں ہوگی صوبے میں معاشی خوشحالی نہیں آئے گی۔

جام جمال نے کہا کہ ہمیں مصنوعی پی ایس ڈی پی کے رجحان کو ختم کرنا ہوگا اور صوبے بھر میں ایسے منصوبے شروع کرنا ہوں گے جس سے تمام لوگوں کو فائدہ مل سکے بلوچستان کی معاشی خوشحالی کیلئے ہم سب کو سنجیدگی کا مظاہرہ کرنا ہوگا ۔

،انہوں نے کہا کہ ہم ڈومیسٹک کامرس پالیسی کو بھی ری وایو کو رہے ہیں ہم ٹریڈ ڈویلپمنٹ اتھارٹی آف پاکستان کے ساتھ مل کر ضلع کی سطح پر کامرس کی بہتری کیلئے کام کریں گے ایک بات طے ہے کہ ایکسپورٹ انڈسٹری اس وقت تک ترقی نہیں کر سکتی جب تک لوکل انڈسٹریز اور کاروباری طبقے کو سہولیات کی فراہمی ممکن نہ بنائی جائے۔

وفاقی وزیر کا کہنا تھا کہ بلوچستان معدنیات سے مالامال صوبہ ہے، آخر میں وفاقی وزیر تجارت جام کمال خان کو چیمبر آف کامرس اینڈ انڈسٹری کوئٹہ بلوچستان کی جانب سے یادگاری شیلڈ پیش کی گئی۔