آپریشنل مسائل: آج بھی 7 پروازیں منسوخ، 30 تاخیر کا شکار
کراچی: آپریشنل مسائل کے باعث آج بھی کراچی سے لاہور، کوئٹہ، ملتان اور اسلام آباد کی 7 پروازیں منسوخ کر دی گئیں۔
فلائٹ شیڈول کے مطابق پی آئی اے کی کراچی سے لاہور کی 2 پروازیں پی کے 303، 341 منسوخ کر دی گئیں اسی طرح کراچی سے کوئٹہ کی 2 پروازیں پی کے 310، 311 بھی منسوخ شیڈول میں شامل ہیں۔
کراچی سے ملتان کی پرواز پی کے 330 اور کراچی سے اسلام آباد کی پرواز پی کے 370 بھی منسوخ کی گئی ہے، لاہور سے دبئی کی پی آئی اے کی پرواز پی کے 204 بھی منسوخ کر دی گئی جبکہ مختلف ایئر پورٹس پر آمد اور روانگی کی 30 پروازوں میں تاخیر ہوئی پے۔
