سعودی عرب میں ہونے والی بین الاقوامی تجارتی نمائش میں شرکت کیلئے درخواستیں طلب

اسلام آباد:    سعودی عرب میں ہونے والی بین الاقوامی تجارتی نمائش میں شرکت کیلئے درخواستیں طلب کر لی گئیں۔

ٹریڈ ڈویلپمنٹ اتھارٹی پاکستان (ٹی ڈی اے پی) نے کہا ہے کہ سعودی عرب میں منعقد ہونے والی بین الاقوامی تجارتی نمائش ’’سنگل کنٹری ایگزبیشن جدہ‘‘ میں شرکت کے لئے 25 نومبر تک درخواستیں جمع کروائی جاسکتی ہیں۔

ٹی ڈی اے پی کی جانب سے جاری تفصیلات کے مطابق 3روزہ نمائش سعودی عرب کے شہر جدہ میں 5 سے 7 فروری تک جاری رہے گی جس میں انجینئرنگ، زرعی، ٹیکسٹائل، گارمنٹس اور سروسز کے شعبے سے وابستہ افراد و ادارے اپنی مصنوعات عالمی خریداروں کے سامنے پیش کرنے کے ساتھ ساتھ اپنے کاروباری معاملات طے کرسکیں گے۔

نمائش کے حوالے سے مزید تفصیلات اتھارٹی کی ویب سائٹ سے حاصل کی جاسکتی ہیں۔