آسٹریلیا کیخلاف پہلا ون ڈے، حسنین کو پلیئنگ الیون میں شامل کرنے کا امکان

میلبرن:    قومی فاسٹ باؤلر محمد حسنین کو آسٹریلیا کے خلاف پہلے ون ڈے میچ کی پلیئنگ الیون میں شامل کرنے کا امکان ہے۔

پاکستان وائٹ بال کرکٹ ٹیم نے میلبرن میں ٹریننگ سیشن میں حصہ لیا جہاں کھلاڑیوں نے فزیکل اور فیلڈنگ ڈرلز کے بعد نیٹ پر بھرپور پریکٹس کی۔

فاسٹ باؤلر شاہین آفریدی، حارث رؤف اور عامر جمال نے بھی نیٹ پر باؤلنگ کی۔

سلیکٹر اسد شفیق بھی پریکٹس سیشن کے دوران موجود تھے جنہوں نے کوچ جیسن گلیسپی اور کپتان محمد رضوان سے تفصیلی مشاورت کی، اسد شفیق بابر اعظم اور دیگر کھلاڑیوں سے بھی ملے۔

چیمپئنز ون ڈے کپ میں عمدہ کارکردگی دکھانے والے محمد حسنین کی ٹیم میں واپسی ہوئی ہے، ان فارم محمد حسنین کو پہلے ون ڈے میچ کی پلیئنگ الیون میں شامل کرنے کا قوی امکان ہے۔