جیسن گلیسپی دورہ آسٹریلیا و زمبابوے کیلئے قومی ٹیم کے عبوری ہیڈ کوچ مقرر

لاہور:   پاکستان کرکٹ بورڈ (پی سی بی) نے قومی ریڈ بال ٹیم کے ہیڈ کوچ جیسن گلیسپی کو دورہ آسٹریلیا اور زمبابوے کے لئے قومی وائٹ بال ٹیم کا بھی عبوری ہیڈ کوچ مقرر کر دیا۔

ذرائع کے مطابق جیسن گلیسپی پاکستان کرکٹ ٹیم کے ساتھ بطور ریڈ بال ہیڈ کوچ پہلے ہی کام کر رہے ہیں، آسٹریلیا اور زمبابوے کیخلاف وائٹ بال سیریز کے بعد پی سی بی نیا ہیڈ کوچ مقرر کرے گا اور نیا وائٹ بال ہیڈ کوچ ملکی ہو گا۔

دوسری جانب پاکستان کرکٹ بورڈ نے گیری کرسٹن کا استعفیٰ قبول کر لیا ہے، آج صبح ہی پاکستان وائٹ بال ٹیم کے ہیڈ کوچ نے اپنے عہدے سے مستعفی ہونے کا فیصلہ کیا تھا۔