اسرائیل عالمی قوانین کی دھجیاں اڑا رہا ہے: فلسطینی صدر

نیویارک:  فلسطینی صدر محمود عباس نے کہا کہ اسرائیلی فوج کی جانب سے غزہ میں عالمی قوانین کی دھجیاں اڑائی جارہی ہیں۔

اقوام متحدہ کی جنرل اسمبلی کے 79ویں سالانہ اجلاس سے خطاب کرتے ہوئے فلسطین کے صدر محمود عباس نے کہا کہ نہتے فلسطینی اسرائیلی جارحیت کا شکارہیں، اسرائیلی بربریت پرعالمی عدالت انصاف نے تاریخی فیصلہ دیا، جنرل اسمبلی نے فلسطین کو ریاست کا درجہ دینے کی قرار داد منظور کی۔

محمود عباس نے کہا کہ صہیونی فوج کی جانب سےعالمی قوانین کی دھجیاں اڑائی جارہی ہیں، فلسطینی عوام کےساتھ یکجہتی کرنے والوں کا شکریہ ادا کرتا ہوں۔

انہوں نے مزید کہا کہ اسرائیل نےغزہ کومکمل طورپرتباہ کردیا، قابض فوج سکولوں، ہسپتالوں اورمہاجرکیمپوں کونشانہ بنارہی ہے، غزہ میں ہنگامی بنیادوں پرامداد کی فراہمی یقینی بنائی جائے۔