ایم ڈی انٹرنیشنل فنانس کارپوریشن کا دورہ پاکستان، وزیر خزانہ سے ملاقات

اسلام آباد:  انٹرنیشنل فنانس کارپوریشن کے منیجنگ ڈائریکٹر مکھتر دیوپ کا دورہ پاکستان، ایم ڈی آئی ایف سی نے وفاقی وزیر خزانہ محمد اورنگزیب سے فنانس ڈویژن میں ملاقات کی۔

وفد میں علاقائی نائب صدر، کنٹری ڈائریکٹر اور دیگر اعلیٰ عہدیداران شامل تھے، وزیر خزانہ نے آئی ایف سی وفد کو خراج تحسین پیش کیا، آئی ایف سی نے پاکستان کی اقتصادی ترقی کے لیے مسلسل تعاون پر اتفاق کیا۔

وزیر خزانہ نے پاکستان کی معاشی استحکام اور حالیہ اصلاحات سے آگاہ کیا اور بتایا کہ آئی ایم ایف کی سربراہ نے پاکستان کی معاشی پیش رفت کو سراہا۔

وزارت خزانہ نے وفد کو زرعی انکم ٹیکس، پنشن اصلاحات اور حکومتی اداروں کی تشکیل نو پر بریفنگ دی، آئی ایف سی نے مختلف شعبوں میں پاکستان کے ساتھ تعاون جاری رکھنے کا عزم کیا۔

وزیر خزانہ محمد اورنگزیب نے کہا کہ حکومت نے گوداموں کو صنعت کا درجہ دے دیا، پبلک پرائیویٹ پارٹنرشپ کو فروغ دیا جائے گا، نجی شعبہ سرمایہ کاری اور برآمدات میں کلیدی کردار ادا کرے گا۔