امریکی پابندیاں: ایرانی سپریم لیڈر نے اپنی حکومت کو واشنگٹن سے مذاکرات پر خبردار کردیا

تہران:   امریکی پابندیوں پر ایرانی سپریم لیڈر نے سخت ردعمل دیتے ہوئے اپنی حکومت کو امریکا سے مذاکرات پر خبردار کردیا۔

ایرانی سپریم لیڈر آیت اللہ خامنہ ای نے کہا کہ امریکا کے ساتھ مذاکرات سمجھداری اور قابل احترام نہیں ہوں گے، ایران نے ماضی میں بہت سی رعایتیں دیں مگر امریکا نے ان معاہدوں کو توڑ دیا، ایسی حکومت کے ساتھ بات چیت نہیں ہونی چاہئے۔

انہوں نے مزیدکہا کہ امریکا نے ہماری سلامتی کو خطرے میں ڈالا توہم ان کی سکیورٹی کو خطرے میں ڈالیں گے۔