فرخ حبیب اور حماد اظہر کو اشتہاری قرار دینے کی کارروائی شروع
اسلام آباد: سابق وزیر فرخ حبیب اور حماد اظہر کو اشتیاری قرار دینے کی کارروائی شروع کردی گئی۔
انسداد دہشت گردی عدالت اسلام آباد میں پی ٹی آئی قیادت کے خلاف جوڈیشل کمپلیکس حملہ کیس کی سماعت جج طاہر عباس سپرا نے کی جس میں عدالت نے سابق وزیر فرخ حبیب اور حماد اظہر کو اشتہاری قرار دینے کی کاروائی کا آغاز کر دیا۔
دوران سماعت جج طاہر عباس سپرا نے ریمارکس دیئے کہ بانی پی ٹی آئی عمران خان جیل میں ہیں، اس حوالے سے منسٹری کو آج خط لکھوں گا، اس مقدمے کے جیل ٹرائل کے حوالے سے خط لکھوں گا۔
بعد ازاں انسداد دہشت گردی عدالت نے دونوں کیسز کی سماعت 17 مارچ تک ملتوی کر دی، بانی پی ٹی آئی عمران خان و دیگر ملزمان کے خلاف تھانہ رمنا میں 2 مقدمات درج ہیں۔
