عثمان خواجہ کی سری لنکا کیخلاف ڈبل سنچری، بڑا ریکارڈ بھی اپنے نام کر لیا

کولمبو:   آسٹریلیا کے اوپنر عثمان خواجہ نے ٹیسٹ کرکٹ میں پہلی مرتبہ ڈبل سنچری بنا ڈالی۔

سری لنکا کے خلاف ٹیسٹ میچ کے دوران عثمان خواجہ نے ڈبل سنچری کرنے کا اعزاز حاصل کیا، اس ڈبل سنچری کے ساتھ انہوں نے منفرد ریکارڈ بھی اپنے نام کر لیا۔

عثمان خواجہ آسٹریلیا کے پہلے بیٹر ہیں جنہوں نے سری لنکا کی سرزمین پر ڈبل سنچری بنائی، انہوں نے یہ ڈبل سنچری 290 گیندیں کھیل کر بنائی، عثمان خواجہ 232 رنز بنا کر آؤٹ ہوئے۔

واضح رہے کہ ان سے قبل ایشیا میں آسٹریلیا کے مارک ٹیلر، گریگ چیپل، ڈین جونز، میتھیو ہیڈن اور جیسن گلیسپی ڈبل سنچری سکور کر چکے ہیں، وہ ایشیا میں ڈبل سنچری بنانے والے آسٹریلیا کی جانب سے چھٹے کھلاڑی بن گئے ہیں۔