سری لنکن بیٹر کمینڈو مینڈس مینز ایمرجنگ کرکٹر آف دی ایئر قرار
دبئی: سری لنکا کے کمینڈو مینڈس انٹرنیشنل کرکٹ کونسل (آئی سی سی) کی جانب سے مینز ایمرجنگ کرکٹر آف دی ایئر قرار پائے ہیں۔
آئی سی سی مینز ایمرجنگ کرکٹر آف دی ایئر ایوارڈ کیلئے پاکستانی اوپنر صائم ایوب، انگلینڈ کے فاسٹ باؤلر گّس اٹکنسن، سری لنکا کے کمینڈو مینڈس اور ویسٹ انڈیز کے شمر جوزف نامزد ہوئے تھے۔
آئی سی سی کے مطابق مینز ایمرجنگ کرکٹر آف دی ایئر سری لنکا کے کمینڈو مینڈس قرار پائے، مینڈس نے 2024 میں تمام فارمیٹ میں مجموعی طور پر 32 میچز میں 1451 رنز سکور کیے۔
26 سالہ کمینڈو مینڈس نے 2024 میں صرف 9 ٹیسٹ میچز میں 5 سنچریوں کی بدولت 1049 رنز بنائے، ان کا سب سے بہترین سکور 182 رنز ناٹ آؤٹ رہا۔
