تلک ورما نے ٹی 20 انٹرنیشنل میں نیا ورلڈ ریکارڈ بنا ڈالا

چنئی:   بھارتی کرکٹ ٹیم کے نوجوان بیٹر تلک ورما نے ٹی 20 انٹرنیشنلز میں منفرد ورلڈ ریکارڈ قائم کر دیا۔

تلک ورما ٹی 20 انٹرنیشنلز میں زیادہ سے زیادہ اننگز میں بغیر آؤٹ ہوئے سب سے زیادہ رنز بنانے والے بیٹر بن گئے۔

انہوں نے گزشتہ 4 اننگز میں بغیر آؤٹ ہوئے مجموعی طور پر 318 رنز سکور کیے جس میں 2 شاندار سنچریاں بھی شامل ہیں۔

تلک ورما کی گزشتہ 4 ٹی 20 اننگز کا سکور کچھ یوں (72، 19، 120، 107) ہے، ان تمام اننگز میں وہ ناٹ آؤٹ رہے۔

اس سے قبل ٹی 20 انٹرنیشنلز کی زیادہ سے زیادہ اننگز میں بغیر آؤٹ ہوئے زیادہ رنز بنانے کا ریکارڈ نیوزی لینڈ کے مارک چیپمین کے پاس تھا جنہوں نے 2023 میں بغیر آؤٹ ہوئے مجموعی طور پر 271 رنز بنائے تھے۔