اسرائیل کی فلسطینیوں کی نسل کشی جاری، 24 گھنٹے میں بچوں سمیت 40 افراد شہید
غزہ: اسرائیل کی غزہ میں فلسطینیوں کی نسل کشی جاری رہی، 24 گھنٹے میں مزید 40 فلسطینی شہید اور 203 زخمی ہوگئے۔
خان یونس میں اسرائیلی بمباری سے14 فلسطینی بچے اور خواتین شہید ہوگئے، جبالیہ میں اسرائیلی حملے سے 10 فلسطینی شہید اور درجنوں زخمی ہوگئے، جنگ میں شہداء کی مجموعی تعداد پینتالیس ہزار سے تجاوز کر گئی، زخمی فلسطینیوں کی تعداد ایک لاکھ سے بڑھ گئی۔
غزہ میں ہلاک ہونے والےاسرائیلی فوجیوں کی تعداد818 ہوگئی، حماس اور حزب اللہ کے ہاتھوں68 اسرائیلی پولیس اہلکار بھی مارے گئے، اسرائیل نے اپنے مرنے والے فوجیوں کی تعداد جاری کردی۔
