عالمی و مقامی سطح پر سونا ہزاروں روپے سستا ہوگیا

کراچی:   عالمی مارکیٹ میں سونے کی قیمتوں میں کمی کے باعث پاکستان میں بھی سونے کے نرخ کم ہوگئے۔

بین الاقوامی مارکیٹ میں فی اونس سونے کی قیمت 21 ڈالرز کی کمی کیساتھ 2637 ڈالرز ہوگئی جبکہ پاکستان میں فی تولہ سونے کی قیمت میں 2 ہزار ایک سو روپے اور دس گرام سونے کی قیمت میں 1800 روپے کی کمی ریکارڈ کی گئی۔

قیمتوں میں کمی کے باعث مقامی صرافہ بازاروں میں فی تولہ سونے کی قیمت 2 لاکھ 74 ہزار 900 روپے اور دس گرام سونے کی قیمت 2 لاکھ 35 ہزار 682 روپے ہوگئی۔