کینیڈا کے صوبے انٹاریو میں برفانی طوفان کی وارننگ

انٹاریو:   کینیڈا کے صوبے انٹاریو میں برفانی طوفان کی وارننگ جاری کردی۔

غیر ملکی میڈیا کے مطابق انٹاریو میں سفر کے لئے خراب حالات اور کئی علاقوں میں بجلی کی بندش کا بھی خدشہ پیدا ہو گیا ہے جبکہ بیری، کولنگ ووڈ اور ہلزڈیل سمیت بڑے حصوں میں شدید برف باری متوقع ہے۔

کینیڈین محکمہ موسمیات کا کہنا ہے کہ متاثرہ علاقوں میں 25سینٹی میٹر مزید برفباری کا امکان ہے، سخت ترین موسم کی وجہ سے ٹرانسپورٹ اور سکولز بند ہو سکتے ہیں۔

محکمہ موسمیات نے مزید بتایا کہ برطانی طوفان آئندہ ہفتے کے آخر تک جاری رہنے کا امکان ہے۔