زمبابوے کیخلاف ٹی 20 سیریز، قومی سکواڈ میں 3 تبدیلیاں

بلاوائیو:   زمبابوے کیخلاف ٹی 20 سیریز کیلئے قومی ٹیم کے سکواڈ میں تین تبدیلیاں کر دی گئیں۔

صائم ایوب، عامر جمال اور ابرار احمد کو ٹی 20 سکواڈ کا حصہ بنایا گیا ہے۔

قومی ٹی 20 سکواڈ میں شامل کھلاڑی عثمان خان، سفیان مقیم، صاحبزادہ فرحان، عرفات منہاس، عمیر بن یوسف اور قاسم اکرم براستہ دبئی بلاوائیو پہنچ گئے۔

پاکستان ٹی 20 ٹیم کے کپتان سلمان علی آغا، حارث رؤف، حسیب اللہ، محمد حسنین، عرفان خان، طیب طاہر،صائم ایوب، ابرار احمد، عامر جمال، جہانداد خان، عباس آفریدی پہلے سے بلاوائیو موجود ہیں۔

پاکستان ون ڈے سکواڈ کے کپتان محمد رضوان، عبداللہ شفیق، کامران غلام اور فیصل اکرم زمبابوے سے وطن واپس روانہ ہو گئے، پاکستان اور زمبابوے کے درمیان تین ٹی 20 میچوں کی سیریز کا پہلا میچ کل یکم دسمبر کو کھیلا جائے گا۔