پاکستانی ہنر مندوں کا شاہکار رکشہ بیلاروسی منسٹر کی توجہ کا مرکز بن گیا
اسلام آباد: پاکستان کے دورے پر آئے بیلاروس کے وزیر توانائی اسلام آباد میں لوک ورثہ پہنچے اور روایتی رکشے کی سواری کی۔
وفاقی وزیر تجارت جام کمال نے بیلاروسی وزیر کو پاکستانی روایتی رکشےکا تعارف کرایا۔بیلاروسی وزیر نے رکشے پر ہاتھ سے بنائےگئے ڈیزائن کی تعریف کی اور پاکستانی ہنرمندوں کے فن کو سراہا۔
وزیر تجارت جام کمال خان نے بیلاروس کو رکشے برآمدکرنےکی پیشکش بھی کردی۔
وزارت تجارت کی جانب سے جاری اعلامیے مطابق بیلاروسی وزیر نے پاکستانی رکشےکے تجارتی امکانات میں دلچسپی کا اظہار کیا، وزارت تجارت کا کہنا ہےکہ پاکستانی روایتی رکشہ بیلاروس کے لیے دلچسپی اور اقتصادی مواقع کا مظہر ہے۔
