بلائنڈ ٹی 20 ورلڈ کپ: سری لنکن ٹیم پاکستان پہنچ گئی

لاہور:    بلائنڈ ٹی 20 ورلڈ کپ کے لیے سری لنکا کی کرکٹ ٹیم پاکستان پہنچ گئی۔

سری لنکا بلائنڈ کرکٹ ٹیم کا لاہور ایئرپورٹ پر پاکستان بلائنڈ کرکٹ کونسل کے عہدیداران نے استقبال کیا۔

افغانستان اور جنوبی افریقہ کی ٹیمیں پہلے ہی پاکستان پہنچ چکی ہیں جبکہ نیپال بلائنڈ کرکٹ ٹیم آج واہگہ کے راستے لاہور پہنچے گی۔

بلائنڈ ٹی 20ورلڈ کپ کیلئے بنگلہ دیش بلائنڈ کرکٹ ٹیم آج رات لاہور پہنچے گی۔

واضح رہے کہ بلائنڈ ٹی 20ورلڈ کپ 23 نومبر سے لاہور میں شروع ہورہا ہے۔