ہانگ کانگ سپر سکسز: پاکستان نے سیمی فائنل کیلئے کوالیفائی کر لیا

مونگ کوک:    ہانگ کانگ سپر سکسز ٹونامنٹ میں پاکستان نے سیمی فائنل کے لیے کوالیفائی کر لیا۔

پاکستان نے کوارٹر فائنل میں جنوبی افریقا کو 17 رنز سے شکست دے دی۔

قومی ٹیم نے 6 اوورز میں 3 وکٹ پر 105 رنز بنائے اور جنوبی افریقا کو جیت کے لیے 106 رنز کا ہدف دیا، پاکستان کی جانب سے محمد اخلاق نے 16 گیندوں پر 53، حسین طلعت نے 11 گیندوں پر 27 رنز بنائے۔

106 رنز کے ہدف کے تعاقب میں جنوبی افریقا کی ٹیم 4 وکٹ پر 88 رنز بنا سکی، پاکستان کی جانب سے آل راؤنڈر حسین طلعت نے 2 کھلاڑیوں کو آؤٹ کیا۔

واضح رہے کہ ایونٹ میں پاکستان نے روایتی حریف بھارت، متحدہ عرب امارات اور جنوبی افریقا کی ٹیموں کو شکست دی جبکہ ہانگ کانگ سپر سکسز کے سیمی فائنل اور فائنل کل اتوار کو کھیلے جائیں گے۔